പന്തളം : യുവാവിനെ വെട്ടിപ്പരിക്കേല്പിച്ച സംഭവം ആസൂത്രണം ചെയ്ത പന്തളം തെക്കേക്കര, കീരുകുഴി ശരത് ഭവനില് ശരത്തിനെ (34) പന്തളം പോലീസ് അറസ്റ്റ് ചെയ്തു. നാലുപേരെ നേരത്തേ അറസ്റ്റ് ചെയ്തിരുന്നു. തട്ട ഒരിപ്പുറത്ത് ക്ഷേത്രത്തിലെ ഉത്സവം കണ്ട് മടങ്ങുകയായിരുന്ന വള്ളിക്കോട് തൃക്കോവില് തൃപ്പാറ തെക്കേ തുണ്ടുപറമ്പില് നന്ദകുമാറിന്റെ മകന് നിബിന് കുമാറിനെ (26) വെട്ടിപരിക്കേല്പ്പിച്ച സംഭവുമായി ബന്ധപ്പെട്ടാണ് അറസ്റ്റ്.
രണ്ടു പ്രതികള് കൂടി പിടിയിലാകാനുണ്ടെന്ന് പോലീസ് പറഞ്ഞു. അടൂര് പറക്കോട് ഇജാസ് മന്സില് ഇജാസ് (23), പന്തളം പട്ടുക്കോട്ടുക്കല് സദനം വീട്ടില് വിഷ്ണു (27), പട്ടുക്കോട്ടുക്കല് പ്രിജിത് ഭവനില് പ്രിജിത് (27), ശാലിനി ഭവനില് ഷാജി എന്ന നിഥിന് (27) എന്നിവരാണ് ഇപ്പോള് റിമാന്ഡില് ഉള്ളത്.
