തൃശൂര് : ഡ്രൈവിങ് ടെസ്റ്റിന് തിയതി ലഭിക്കാന് വൈകിയതില് പ്രകോപതിനായ യുവാവ് ഡ്രൈവിങ് സ്കൂളിലെ കാറുകള് അടിച്ചുതകര്ത്തു. തൃശൂര് കൊഴുക്കുള്ളിയിലാണ് സംഭവം. തൃശൂര് കൊഴുക്കുള്ളിയിലെ ഗൗരി നന്ദ ഡ്രൈവിങ് സ്കൂള് ഉടമ അനിലന്റെ വീട്ടില് അര്ധരാത്രിയായിരുന്നു അക്രമം. മുടിക്കോട് സ്വദേശിയായ യുവാവും രണ്ടു സുഹൃത്തുക്കളും വീട്ടുവളപ്പിലേക്ക് അതിക്രമിച്ചു കയറി, വരാന്തയില് വളര്ത്തുമീന് ടാങ്ക് ആദ്യം അടിച്ചുതകര്ത്തു. പൂജയ്ക്കായി നിര്ത്തിയിട്ടിരുന്ന രണ്ടു കാറുകളും അടിച്ചുതകര്ത്തു. ഇരുചക്രവാഹനങ്ങള് മറിച്ചിട്ടു. സംഭവത്തില് പോലീസ് അന്വേഷണം തുടങ്ങി.
