കറുകച്ചാല് : ബൈക്കപകടത്തില് ഗുരുതരമായി പരിക്കേറ്റ് ചികിത്സയില് കഴിഞ്ഞിരുന്നയാള് മരിച്ചു. പന്ത്രണ്ടാംമൈല് വെള്ളാപ്പള്ളീല് അജയകുമാര് (48) ആണ് മരിച്ചത്. ഞായറാഴ്ച രാത്രി എട്ടരയോടെയാണ് അപകടമുണ്ടായത്. വാഴൂര് റോഡില് ചമ്പക്കര പള്ളിപ്പടിക്ക് സമീപമായിരുന്നു അപകടം. കറുകച്ചാലില് നിന്നും വീട്ടിലേക്ക് പോകുമ്പോള് അജയകുമാര് സഞ്ചരിച്ച ബൈക്ക് നിയന്ത്രണംവിട്ട് മുമ്പില് പോയ കാറിനു പിന്നിലിടിക്കുകയായിരുന്നു. പരിക്കേറ്റ അജയകുമാറിനെ നാട്ടുകാര് ചേര്ന്ന് കോട്ടയം മെഡിക്കല് കോളേജില് പ്രവേശിപ്പിച്ചെങ്കിലും ചികിത്സയില് കഴിയവെ രാത്രി 12.30 ഓടെ മരിക്കുകയായിരുന്നു. ഭാര്യ : സൗമ്യ. മക്കള് : ആദിത്യന്, അഭിനവ്, അദ്വൈത്. സംസ്കാരം നടത്തി.
