34.1 C
Pathanāmthitta
Thursday, January 27, 2022 2:46 pm
- Advertisment -

ബൈക്കപകടത്തിൽ ഐ.ടി.ഐ വിദ്യാർഥി മരിച്ചു

അഞ്ചല്‍ : സുഹൃത്തിനോടെപ്പം ബൈക്കില്‍ സഞ്ചരിച്ച ഐ.ടി.ഐ വിദ്യാര്‍ഥി അപകടത്തില്‍ മരിച്ചു. കടയ്ക്കല്‍ തൃക്കണ്ണാപുരം ശ്രീരാഗത്തില്‍ ശ്രീകാന്ത് (19) ആണ് മരിച്ചത്. വെള്ളിയാഴ്ച രാവിലെ ഒമ്പതരയോടെ മലയോര ഹൈവേയില്‍ ഏരൂര്‍ മുസ്ലീം പള്ളിക്ക് സമീപത്തെ വളവില്‍ ബൈക്ക് മറിഞ്ഞാണ് അപകടം. ഒപ്പമുണ്ടായിരുന്ന സുഹൃത്ത് കടയ്ക്കല്‍ പാങ്ങലുകാട് ദേശി ലാല്‍സൂര്യ (19) ആണ് ബൈക്ക് ഓടിച്ചിരുന്നത്.

കുളത്തൂപ്പുഴ ഭാഗത്തേക്കു പോയതായിരുന്നുവത്രേ ഇരുവരും. ഓടിക്കൂടിയ നാട്ടുകാര്‍ ഇരുവരെയും അഞ്ചലിലെ സ്വകാര്യ ആശുപത്രിയിലെത്തിച്ചുവെങ്കിലും ശ്രീകാന്ത് മരിച്ചു. ലാല്‍ സൂര്യ പരിക്കുകളോടെ ചികിത്സയില്‍ തുടരുന്നു. ഇരുവരും കണ്ണങ്കോട് മാര്‍ത്തോമ്മാ ഐ.റ്റി.സിയിലെ ഒന്നാം വര്‍ഷ ഫിറ്റര്‍ വിദ്യാര്‍ഥികളാണ്.സുരേഷ് – ലീന ദമ്പതികളുടെ മകനാണ് ശ്രീകാന്ത്. സഹോദരി: ലക്ഷ്മി.

- Advertisment -
Advertisment
Advertisment
- Advertisment -
- Advertisment -

Most Popular