തിരുവനന്തപുരം: തിരുവനന്തപുരത്ത് അയല്വാസിയെയും ഭാര്യയെയും വീട്ടില് കയറി ആക്രമിച്ച യുവാവ് പിടിയില്. പൂവാര് കല്ലിംഗവിളാകം കാട്ടുപ്ലാവ് നിഷാ മന്സിലില് നിസാബ് മൊയ്തീനെ (33) യാണ് പോലീസ് പിടികൂടിയത്. അയല്വാസി കല്ലിംഗവിളാകം തൈപ്പലം വീട്ടില് തങ്കരാജനേയും ഭാര്യയേയുമാണ് കഴിഞ്ഞ 12-ാം തീയതി ഇയാള് വീട്ടില് കയറി ആക്രമിച്ചത്.
അടുത്തകാലത്ത് തങ്കരാജന്റ വീട്ടില് വളര്ത്തിയിരുന്ന പശുക്കള് മോഷണം പോയിരുന്നു. ഇതേത്തുടര്ന്ന് പോലീസിന് നല്കിയ പരാതിയില് നിസാബ് മൊയ്തീനേയും സംശയിക്കുന്നതായി പറഞ്ഞിരുന്നു. ഇതിലെ വൈരാഗ്യത്തില് പ്രതി തങ്കരാജന്റെ വീട്ടില് കല്ലുമായി അതിക്രമിച്ച് കയറി ഭീഷണി മുഴക്കി ആക്രമണം നടത്തിയെന്നാണ് പരാതി.