കൊല്ലം : ജില്ലയിലെ ചിതറയിൽ യുവാവിനെ ദുരൂഹ സാഹചര്യത്തിൽ മരിച്ചനിലയിൽ കണ്ടെത്തി. ഇരുപത്തൊന്നുകാരനായ ആദർശാണ് മരിച്ചത്. വീടിനുളളിൽ അടുക്കളയോട് ചേര്ന്നുളള മുറിയിലാണ് മൃതദേഹം കണ്ടത്. കൊലപാതകമാണെന്ന സംശയത്തെ തുടർന്ന് അച്ഛനെയും അമ്മയെയും സഹോദരനെയും പോലീസ് കസ്റ്റഡിയിലെടുത്തു. കഴുത്തിൽ കയറിട്ട് മുറുക്കിയ പാടുകളുണ്ട്. ആദർശ് കഴിഞ്ഞ ദിവസം അടുത്തുള്ള വീട്ടിലെത്തി മദ്യപിച്ച് ബഹളമുണ്ടാക്കിയിരുന്നു. കൂടാതെ വീട്ടുകാരോടും കയർത്തിരുന്നു. അതിന് പിന്നാലെയാണ് മരിച്ച നിലയിൽ കണ്ടെത്തിയത്.
