കൊച്ചി: വൈപ്പിനില് യുവാവിനെ മര്ദനമേറ്റ് മരിച്ച നിലയില് കണ്ടെത്തി. കഴുപ്പിള്ളി പള്ളത്താംകളങ്ങര ബീച്ചിന് സമീപം ട്രാന്സ്ഫോര്മറിനടുത്താണ് മൃതദേഹം കണ്ടെത്തിയത്. ചൊവ്വാഴ്ച പുലര്ച്ചെ നാലരയോടെ അതുവഴി വന്ന മത്സ്യതൊഴിലാളികളാണ് മൃതദേഹം ആദ്യം കണ്ടത്.
ബര്മൂഡയും ഷര്ട്ടുമാണ് വേഷം. തലക്കും കൈക്കും അടിയേറ്റ് ചോരയില് കുളിച്ച നിലയില് മൃതദേഹം കാണപ്പെട്ടത്. സമീപത്ത് ശീമക്കൊന്നയുടെ വടികളും ട്യൂബ് ലൈറ്റ് പൊട്ടിയ കഷണങ്ങളും കിടക്കുന്നുണ്ട്. 25 വയസ് പ്രായം തോന്നിക്കുന്നതാണ് മൃതദേഹം.
