പത്തനംതിട്ട : ആറ്റിലേക്ക് ചാടിയ യുവതിയെ അഗ്നിരക്ഷാസേന സാഹസികമായി രക്ഷപ്പെടുത്തി. ഇന്ന് രാവിലെ ആണ് സംഭവം. 45 വയസ്സ് പ്രായം തോന്നിക്കുന്ന സ്ത്രീ റോഡരികിലൂടെ നടന്നു വന്ന ശേഷം പാലത്തിന്റെ മധ്യഭാഗത്ത് എത്തി മണിമല ആറ്റിലേക്ക് ചാടുകയായിരുന്നു.
ദൃക്സാക്ഷികളായ കാല്നടയാത്രക്കാരാണ് ആദ്യം രക്ഷാപ്രവര്ത്തനം നടത്തിയത്. എന്നാല്, ഇവര്ക്ക് രക്ഷിക്കാന് സാധിച്ചില്ല. തുടര്ന്ന് അഗ്നിരക്ഷാ സേനയുടെസഹായം തേടുകയായിരുന്നു. ഒഴുക്കിനൊപ്പം ആറ്റില് ഒഴുകി യുവതിയെ സാഹസികമായാണ് അഗ്നിരക്ഷസേന രക്ഷിച്ചത്. യുവതിയെ പിന്നീട് പോലീസും അഗ്നിരക്ഷാ സേനയും ചേര്ന്ന് ആംബുലന്സില് ആശുപത്രിയിലേയ്ക്കു മാറ്റി. യുവതിക്ക് അപകടത്തില് കാര്യമായ പരിക്കേറ്റിട്ടില്ലെന്ന് ആശുപത്രി അധികൃതര് അറിയിച്ചു.
