ചാരുംമൂട്: സമൂഹമാധ്യമങ്ങളിലൂടെ സ്ത്രീകളുമായി വിഡിയോ കോള് നടത്തി ലൈംഗിക ചൂഷണത്തിനു ശ്രമിക്കുകയും അശ്ലീല ചിത്രങ്ങള് അയയ്ക്കുകയും ചെയ്ത കേസില് യുവാവ് അറസ്റ്റില്. തിരുവനന്തപുരം പൊന്മുടി സ്വദേശിയായ ഷൈജു (38) ആണ് പിടിയിലായത്. ഇയാളെ കോയമ്പത്തൂരില് നിന്നാണ് പിടികൂടിയത്.
കറ്റാനം സ്വദേശിയായ യുവതിയുടെ പരാതിയിലാണ് അറസ്റ്റ്. സൈബര് സെല്ലിന്റെ സഹായത്തോടെ അന്വേഷണം ശക്തമാക്കിയ പോലീസ് സിഐ. ബി.സാബുവിന്റെയും എസ്ഐ. വി.ബിജുവിന്റെയും നേതൃത്വത്തില് ചൊവ്വാഴ്ച കോയമ്പത്തൂരിലെത്തി ഇയാളെ പിടികൂടുകയായിരുന്നു. കറ്റാനത്തെ യുവതിയുടെ കുടുംബ ഫോട്ടോ സമൂഹമാധ്യമത്തില് നിന്നെടുത്ത് മക്കളുടെ ചിത്രങ്ങള് മോര്ഫ് ചെയ്ത് അയയ്ക്കുകയും അവരെയോര്ത്തു കരയേണ്ടിവരുമെന്നു പ്രതി ഭീഷണിപ്പെടുത്തുകയുമായിരുന്നു എന്ന് പോലീസ് പറഞ്ഞു.
