സീതത്തോട് : സീതത്തോട് മൂന്നുകല്ലില് കഞ്ചാവുമായി യുവാവിനെ പോലീസ് അറസ്റ്റ് ചെയ്തു. ചിറ്റാര് മീന്കുഴി തോട്ടുവശത്ത് വീട്ടില് സുഭാഷിന്റെ മകന് ജിതിന് ആണ് മൂന്നുകല്ല് ഐ.റ്റി.സി പടിക്ക് സമീപത്ത് നിന്നും പോലീസിന്റെ പിടിയിലായത്. ഇയാളില് നിന്നും 8.5 ഗ്രാം കഞ്ചാവും പോലീസ് കണ്ടെടുത്തു. ഇതിന് മുന്പ് സമാന സംഭവത്തില് പലതവണ ഇയാള് എക്സൈസ് സംഘത്തിന്റെ പിടിയിലാവുകയും അഞ്ച് വര്ഷം തടവിന് കോടതി ശിക്ഷ വിധിക്കുകയും ചെയ്തിരുന്നു. ഇതിന് ശേഷം പ്രതി ഒരു ലക്ഷം രൂപ പിഴയടച്ച് ജയിലില് നിന്നും ജാമ്യത്തില് ഇറങ്ങിയ ശേഷമാണ് വീണ്ടും കഞ്ചാവുമായി പിടിക്കപ്പെടുന്നത്. ചിറ്റാര് സി.ഐ അനീഷ്, എസ്.ഐ അനില് കുമാര്, സി.പി.ഓ മാരായ സുനില്, പ്രണവ്, സജീവ്, സജിന് എന്നിവര് ചേര്ന്നാണ് പ്രതിയെ പിടികൂടിയത്.
