നെടുമ്പന: കൊല്ലത്ത് ഉത്സത്തിനെത്തിയ യുവാവിന്റെ ചെവി പോലീസ് ലാത്തികൊണ്ട് അടിച്ചുതകര്ത്തെന്ന് പരാതി. നെടുമ്പന സ്വദേശി അതുലിനാണ് പരിക്കേറ്റത്. സാരമായി പരിക്കേറ്റ അതുല് തിരുവനന്തപുരം മെഡിക്കല് കോളേജ് ആശുപത്രിയില് ചികിത്സ തേടി. കണ്ണനെല്ലൂര് പോലീസിനെതിരെയാണ് ആരോപണം. നെടുമ്പന മരുതൂര് ശ്രീഭദ്രകാളി ദേവീക്ഷേത്രത്തിലെ ഉത്സവത്തിനിടെയുണ്ടായ സംഘര്ഷത്തിനിടെ പോലീസ് ലാത്തി വീശി. ഇതിനിടയില് സംഘര്ഷത്തില് ഇല്ലാതിരുന്ന യുവാവിനേയും ക്രൂരമായി മര്ദ്ദിച്ചുവെന്നാണ് ആരോപണം.
അതുലിന്റെ ചെവിക്ക് ലാത്തിയടിയേറ്റു. ചെവിയില് നിന്നും ചോര വന്നതോടെ യുവാവ് മെഡിക്കല് കോളേജ് ആശുപത്രിയില് ചികിത്സ തേടി. അതേസമയം ഉത്സവത്തിനിടെയുണ്ടായ സംഘര്ഷത്തില്പ്പെട്ടവരെ പിരിച്ചുവിടുകയാണ് ചെയ്തതെന്നും മറ്റാരോപണങ്ങള് അടിസ്ഥാന രഹിതമാണെന്നുമാണ് കണ്ണനെല്ലൂര് പോലീസിന്റെ വിശദീകരണം.
