കൊല്ലം : യൂത്ത് കോണ്ഗ്രസ് പ്രവര്ത്തകര്ക്ക് വെട്ടേറ്റ സംഭവത്തിനു പിന്നില് ഡി.വൈ.എഫ്.ഐ എന്ന് ആരോപണം. കൊല്ലം ചവറ ചേന്നങ്കര മുക്കിലാണ് യൂത്ത് കോണ്ഗ്രസ് പ്രവര്ത്തകര്ക്ക് വെട്ടേറ്റത്. യൂത്ത് കോണ്ഗ്രസ് ബ്ലോക്ക് വൈസ് പ്രസിഡന്റ് ജോയ് മോന്, സനൂപ് എന്നിവര്ക്കാണ് വെട്ടേറ്റത്. ഒരാളുടെ തലക്കും ഒരാളുടെ കൈയ്യിക്കുമാണ് വെട്ടേറ്റത്.
ഇരുവരെയും വെട്ടിയത് ഡി.വൈ.എഫ്.ഐ പ്രവര്ത്തകനാണ് എന്ന് യൂത്ത് കോണ്ഗ്രസ് ആരോപിച്ചു. പ്രവീണ് എന്ന ഡി.വൈ.എഫ്.ഐ പ്രവര്ത്തകനാണ് ഇരുവരെയും വെട്ടിയത് എന്ന് യൂത്ത് കോണ്ഗ്രസ് ജില്ലാ നേതൃത്വം ആരോപിച്ചു. പ്രാദേശിക തര്ക്കങ്ങളുടെ പേരിലായിരുന്നു അക്രമമെന്നും യൂത്ത് കോണ്ഗ്രസ് ജില്ലാ പ്രസിഡന്റ് അരുണ് രാജ് കുറ്റപ്പെടുത്തി. രാത്രി 7.30 ഓടെയാണ് ഇരുവര്ക്കും വെട്ടേറ്റത്. ആക്രമണത്തിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. ഇരുവരും ചവറയ്ക്കടുത്തുള്ള സ്വകാര്യ ആശുപത്രിയില് ചികിത്സയിലാണ്.
