അടൂര് : 23 ദിവസമായി പി പി മത്തായിയുടെ മൃതശരീരം മോർച്ചറിയിൽ ഇരിക്കുമ്പോൾ വനം വകുപ്പ് മന്ത്രി കെ രാജു നാട് നീളെ ഉദ്ഘാടന മാമാങ്കം നടത്തുവാൻ തീരുമാനിച്ചാൽ യൂത്ത് കോൺഗ്രസ് അത് തടയുമെന്ന് ജില്ലാ പ്രസിഡന്റ് എം.ജി കണ്ണൻ.
ജില്ലയിലെ വിവിധ പരിപാടികളുടെ ഭാഗമായി ഏനാദി മംഗലത്ത് പൊതു പരിപാടിയിൽ പങ്കെടുക്കാൻ എത്തിയ മന്ത്രിയെ യൂത്ത് കോൺഗ്രസ് ജില്ലാ പ്രസിഡന്റ് എംജി കണ്ണന്റെ നേതൃത്വത്തിൽ കരിങ്കൊടി കാണിച്ചു. ജില്ലാ വൈസ് പ്രസിഡന്റ് ജി മനോജ്, ജില്ലാ ഭാരവാഹികളായ അലക്സ് കോയിപ്പുറത്ത്, ജിതിൻ ജി നൈനാൻ, അനൂപ് വെങ്ങവിളയിൽ, എം എം പി ഹസ്സൻ, ലക്ഷ്മി അശോക്, അനന്തു ബാലൻ, ഏനാദി മംഗലം മണ്ഡലം പ്രസിഡന്റ് അജീഷ് ചായലോട് എന്നിവരെ അടൂർ പോലീസ് അറസ്റ്റ് ചെയ്തു. പ്രതിഷേധത്തിൽ പങ്കെടുത്ത ജില്ലാ പ്രസിഡന്റ് ഉൾപ്പെടെയുള്ള യൂത്ത് കോൺഗ്രസ് പ്രവർത്തകർക്ക് മർദനമേറ്റു.
