അടൂർ: സഹകരണ ബാങ്കുകളെ ഗുണ്ടായിസം കാണിച്ച് പിടിച്ചെടുക്കാമെന്ന് കരുതിയാൽ നോക്കി നിൽക്കില്ലെന്ന് യൂത്ത് കോൺഗ്രസ് സംസ്ഥാന സെക്രട്ടറി ആബിദ് ഷെഹിം പറഞ്ഞു. പന്നിവിഴ സർവ്വീസ് സഹകരണ ബാങ്ക് തെരഞ്ഞെടുപ്പിനുള്ള നാമനിർദേശ പത്രികകളുടെ സൂക്ഷ്മ പരിശോധനാ ദിവസം സ്ഥാനാർത്ഥിയും യൂത്ത് കോൺഗ്രസ് അടൂർ നിയോജക മണ്ഡലം വൈസ് പ്രസിഡൻ്റുമായ അരവിന്ദ് ചന്ദ്രശേഖറിനെ മർദിക്കുകയും കള്ളക്കേസ് നൽകുകയും തെരഞ്ഞെടുപ്പ് അട്ടിമറിക്കാനുള്ള ബാങ്ക് അധികൃതരുടെ ശ്രമങ്ങൾക്കെതിരെ യൂത്ത് കോൺഗ്രസ് നിയോജക മണ്ഡലം കമ്മിറ്റി നടത്തിയ പ്രതിഷേധ പ്രകടനം ഉദ്ഘാടനം ചെയ്യുകയായിരുന്നു അദ്ദേഹം.
സംഭവ ദിവസം ഔദ്യോഗിക പദവിയും വാഹനവും ദുരുപയോഗം ചെയ്ത് അക്രമങ്ങൾക്ക് നേതൃത്വം നൽകിയ അടൂർ നഗരസഭാ ചെയർമാൻ രാജിവെക്കണമെന്നും അദ്ദേഹം ആവശ്യപ്പെട്ടു. നിയോജക മണ്ഡലം പ്രസിഡൻ്റ് റിനോ. പി.രാജൻ അദ്ധ്യക്ഷത വഹിച്ചു. യൂത്ത് കോൺഗ്രസ് ജില്ലാ പ്രസിഡൻ്റ് എം.ജി കണ്ണൻ, അംജിത് അടൂർ, സജു തെങ്ങമം, നിതീഷ് പന്നിവിഴ, ചാർളി ഡാനിയേൽ, ടിനു.എം.തോമസ്, ജെറിൻ ജേക്കബ്, രാഹുൽ കൈതക്കൽ, തൗഫീഖ് രാജൻ, റോബിൻ ജോർജ്ജ്, എബി ആനന്ദപ്പള്ളി,സജൻ വി പ്രിൻസ്, ടിറ്റോ ഏഴംകുളം, എബിൻ സജീവ് എന്നിവർ പ്രസംഗിച്ചു.
