കൊച്ചി : സി.പി.എം മുന് എം.പി എം.ബി രാജേഷിന്റെ ഭാര്യയ്ക്ക് നിയമനം നല്കിയതില് പ്രതിഷേധിച്ച് വിവിധ യുവജനസംഘടനകള് കാലടി സംസ്കൃത സര്വകലാശാലയിലേക്ക് പ്രതിഷേധ മാര്ച്ച് നടത്തി. കമ്പസിനുള്ളിലേക്ക് കടക്കാന് ശ്രമിച്ച പ്രവര്ത്തകരെ പോലീസ് തടഞ്ഞു.
വെള്ളിയാഴ്ച രാവിലെ മുതല് സര്വകലാശാല കവാടത്തിന് മുന്നില് കെ.എസ്.യു, യൂത്ത് കോണ്ഗ്രസ്, യുവമോര്ച്ച പ്രവര്ത്തകര് മുദ്രാവാക്യം വിളിച്ച് പ്രതിഷേധിക്കുകയാണ്. ഒരുകൂട്ടം യൂത്ത് കോണ്ഗ്രസ് പ്രവര്ത്തകര് കാമ്പസിനുള്ളില് പ്രവേശിച്ചെങ്കിലും പോലീസ് ബലം പ്രയോഗിച്ച് തടഞ്ഞു.
സര്ക്കാരിന്റെ പിന്വാതില് നിയമനങ്ങള്ക്കെതിരേ നടപടി ആവശ്യപ്പെട്ട് കെഎസ്.യു പ്രവര്ത്തകരാണ് ആദ്യം പ്രതിഷേധ മാര്ച്ചുമായെത്തിയത്. പിന്നാലെ യുവമോര്ച്ചാ, യൂത്ത് കോണ്ഗ്രസ് പ്രവര്ത്തകരും സര്വകലാശാലയിലേക്ക് സംഘടിച്ചെത്തി പ്രതിഷേധിച്ചു.