കൊച്ചി : കേരളത്തിലെ മുഴുവൻ യൂത്ത് കോൺഗ്രസ്, കെ.എസ്.യു പ്രവർത്തകരും രമേശ് ചെന്നിത്തലയുടെ ചിത്രം ഫേസ്ബുക്ക് പ്രൊഫൈൽ പിക്ചറായി മാറ്റി ഐക്യ ദാർഢ്യം പ്രഖ്യാപിക്കുന്നു. “നേതൃത്വത്തിന് പിന്തുണ, ആശയങ്ങൾക്ക് ശക്തി” എന്ന സന്ദേശത്തോടെയാണ് പ്രവർത്തകർ പ്രൊഫൈൽ ചിത്രങ്ങൾ മാറ്റുന്നത്. വിവിധ ജില്ലകളിലായി ആയിരക്കണക്കിന് യുവാക്കളാണ് ഈ സോഷ്യൽ മീഡിയ ക്യാമ്പെയിനിൽ പങ്കുചേരുന്നത്. നിലവിലുള്ള സംസ്ഥാന രാഷ്ട്രീയത്തിൽ യുവജനങ്ങളുടെ വ്യക്തമായ സന്ദേശമാണ് ഈ നീക്കം. ചെന്നിത്തലക്ക് യുവജനങ്ങളുടെ ഉറച്ച പിന്തുണയും ഈ കാംപെയിനില് പ്രകടമാണ്. ഡിജിറ്റൽ കാലഘട്ടത്തിൽ രാഷ്ട്രീയ സന്ദേശങ്ങൾ കൂടുതൽ വ്യാപകമായി ജനങ്ങളിലേക്ക് എത്തിക്കുന്നതിന്റെ ഭാഗമായാണ് ഈ ക്യാമ്പെയിൻ സംഘടിപ്പിച്ചതെന്ന് യൂത്ത് കോൺഗ്രസ്, കെ.എസ്.യു നേതാക്കൾ വ്യക്തമാക്കുന്നു.
കോൺഗ്രസ് പ്രസ്ഥാനത്തിന്റെ സമുന്നത നേതാവും കേന്ദ്ര വർക്കിംഗ് കമ്മിറ്റി അംഗവുമായ രമേശ് ചെന്നിത്തലക്ക് കേരള രാഷ്ട്രീയത്തില് വ്യക്തമായ സ്ഥാനമുണ്ട്. യുവാക്കളുടെ ഇടയില് ചെന്നിത്തലക്കുള്ള സ്വാധീനം വ്യക്തമാക്കുന്നതാണ് ഈ കാമ്പെയിന്. ഇതിനകം തന്നെ ഫേസ്ബുക്ക് ഉൾപ്പെടെയുള്ള സോഷ്യൽ മീഡിയ പ്ലാറ്റ്ഫോമുകളിൽ ഈ ട്രെൻഡ് വൈറലായിരിക്കുകയാണ്. യു.ഡി.എഫ് സർക്കാർ അധികാരത്തിൽ വരുന്നതിന് മുന്നോടിയായി യുവാക്കളുടെ ശക്തമായ സന്ദേശമായി ഇത് മാറും.
