പത്തനംതിട്ട : തദ്ദേശ തിരഞ്ഞെടുപ്പിൽ യുവജനങ്ങളുടെ പ്രാതിനിധ്യം ഉറപ്പാക്കുന്നതിന് വേണ്ടി യൂത്ത് കോൺഗ്രസ് സംസ്ഥാന കമ്മിറ്റിയുടെ യൂത്ത് പഞ്ചായത്ത് പത്തനംതിട്ട ജില്ലയിൽ സംഘടിപ്പിച്ചു. യൂത്ത് കോൺഗ്രസ് സംസ്ഥാന അധ്യക്ഷൻ ഒ ജെ ജനീഷ് യൂത്ത് പഞ്ചായത്ത് ഉദ്ഘാടനം ചെയ്തു. യൂത്ത് കോൺഗ്രസ് പത്തനംതിട്ട ജില്ലാ പ്രസിഡന്റ് വിജയ് ഇന്ദുചൂഡൻ അധ്യക്ഷത വഹിച്ചു. വരുന്ന തദ്ദേശ തെരഞ്ഞെടുപ്പിൽ യുവജനങ്ങൾക്ക് കൃത്യമായ പ്രാതിനിധ്യം ഉറപ്പാക്കുമെന്നും അതിനായി പാർട്ടി നേതൃത്വത്തോട് ആവശ്യപ്പെടുമെന്നും സംസ്ഥാന അധ്യക്ഷൻ ഒ ജെ ജനിഷ് ഉറപ്പുനൽകി.
പരിപാടിയിൽ എംപി ആന്റോ ആന്റണി, കെപിസിസി ഭാരവാഹികൾ, ഡി സി സി പ്രസിഡന്റ് സതീഷ് കൊച്ചുപറമ്പിൽ, യൂത്ത് കോൺഗ്രസ് വർക്കിംഗ് പ്രസിഡണ്ട് ബിനു ചുള്ളിയിൽ, അഖിലേന്ത്യ ജനറൽ സെക്രട്ടറി ശ്രാവൺ റാവു, വൈസ് പ്രസിഡന്റ് അനു താജ്, യൂത്ത് കോൺഗ്രസ് സംസ്ഥാന ജനറൽ സെക്രട്ടറി ജോർജ് പയസ്, സംസ്ഥാന സെക്രട്ടറിമാരായ നഹാസ് പത്തനംതിട്ട, ജിജോ ചെറിയാൻ, സാംജി ഇടമുറി, റെനോ പി രാജൻ, അനൂപ് വേങ്ങവിളയിൽ, അഖിൽ ഓമനക്കുട്ടൻ, ജില്ലാ ഉപാദ്ധക്ഷ്യന്മാരായ രഞ്ജു മുണ്ടിയിൽ, സലീൽ സാലി, കാഞ്ചന എം കെ, ജില്ലാ ജനറൽ സെക്രട്ടറിമാരായ ബിബിൻ ബേബി, ജിവിൻ പുലിമ്പള്ളിൽ, ജോയൽ മാത്യു, മറ്റ് ജില്ലാ ഭാരവാഹികൾ പങ്കെടുത്തു.
