23.4 C
Pathanāmthitta
Tuesday, October 19, 2021 2:25 am
Advertisment

വീട്ടമ്മയുടെ കട ജിസിഡിഎ അടപ്പിച്ചു, സാധനങ്ങള്‍ വാരി പുറത്തിട്ടു : പ്രസന്നയ്ക്ക് കൈത്താങ്ങുമായി എം.എ യൂസഫലി

കൊച്ചി : മാനസിക വെല്ലുവിളി നേരിടുന്ന മകളുടെ ചികിത്സയ്ക്ക് അമ്മ തുടങ്ങിയ കട ജിസിഡിഎ അടപ്പിച്ചു; സഹായവുമായി എം.എ യൂസഫലി. ഉപജീവനമാര്‍ഗം നഷ്ടപ്പെട്ട പ്രസന്ന കടയ്ക്കു മുന്നില്‍ സമരവും തുടങ്ങി. സംഭവം ചര്‍ച്ചയായതോടെ എറണാകുളം എം.എല്‍.എ ടി.ജെ വിനോദ് ഇടപെട്ടു തദ്ദേശ സ്വയംഭരണ വകുപ്പ് മന്ത്രിയുടെ ഓഫീസുമായി ബന്ധപ്പെട്ടിരുന്നു. ഇതിനിടെയാണ് ലുലു ഗ്രൂപ്പിന്‍റെ സഹായ വാഗ്ദാനവും എത്തിയത്. പ്രസന്ന അടയ്ക്കാനുള്ള മുഴുവന്‍ തുകയും ലുലു ഗ്രൂപ്പ് അടയ്ക്കുമെന്ന് യൂസഫലി പറഞ്ഞു.

കോടതി ഉത്തരവ് പ്രകാരമാണ് 2015 ല്‍ ഇവര്‍ക്ക് തറവാടക ഈടാക്കി ഇവിടെ കട തുടങ്ങാന്‍ അനുമതി നല്‍കിയത്. ഇപ്പോള്‍ പ്രതിമാസം 13,800 രൂപയാണ് വാടക. മൂന്നര ലക്ഷം രൂപ വായ്പയെടുത്ത് കട പണിതു. പ്രളയവും ലോക്ക് ഡൗണും നടപ്പാത നവീകരണവുമൊക്കെ കാരണം രണ്ട് വര്‍ഷമായി കച്ചവടം ഇല്ലാത്തതിനാല്‍ വാടക കൊടുക്കാന്‍ കഴിഞ്ഞിരുന്നില്ല. കഴിഞ്ഞ ദിവസം കട തുറന്നപ്പോഴാണ് ജിസിഡിഎ അധികൃതരെത്തി ഒഴിപ്പിക്കല്‍ നടത്തിയത്.

എന്നാല്‍ തുടര്‍ച്ചയായി വാടക അടയ്ക്കുന്നതില്‍ വീഴ്ച വരുത്തിയതിനാലാണ് കട ഒഴിപ്പിക്കേണ്ടിവന്നതെന്ന് ജിസിഡിഎ പറഞ്ഞു. 2015 മുതല്‍ വാടക അടയ്ക്കുന്നതില്‍ തുടര്‍ച്ചയായി വീഴ്ച വരുത്തുന്നുവെന്നും പലതവണ നോട്ടീസ് നല്‍കിയതിനു ശേഷമാണ് നടപടി എടുത്തതെന്നുമാണ് ജിസിഡിഎയുടെ വിശദീകരണം. ഒരു നിശ്ചിത തുക അടച്ചാല്‍ കട തുറക്കാന്‍ അനുവദിക്കാമെന്നും ചെയര്‍മാന്‍ പറഞ്ഞു. എന്തായാലും നാളെ മുതല്‍ തന്നെ പ്രസന്നയ്ക്ക് കട തുറക്കാന്‍ പറ്റുമെന്നാണ് പ്രതീക്ഷിക്കുന്നത്.

- Advertisment -
Advertisment
Advertisment

LEAVE A REPLY

Please enter your comment!
Please enter your name here

- Advertisment -
- Advertisment -

Most Popular