കരിപ്പൂര് : കോഴിക്കോട് അന്താരാഷ്ട്രവിമാനത്താവളം വഴി കടത്താന് ശ്രമിച്ച 1676.1. ഗ്രാം സ്വര്ണസംയുക്തം പിടികൂടി. കരിപ്പൂര് പോലീസും എയര് കസ്റ്റംസ് ഇന്റലിജന്സും ചേര്ന്നാണ് പിടികൂടിയത്. കുറ്റ്യാടി കാവിലുംപാറ ചാത്തങ്ങോട് കൂടാലില് ഹിലാല് മന്സില് മുഹമ്മദ് സാബിര് (21), താമരശ്ശേരി പുതുപ്പാടി കറുത്തേടത്ത് അബ്ദുള് സാദിഖ് (35) എന്നിവരെയാണ് കസ്റ്റഡിയിലെടുത്തത്.
ഇന്ഡിഗോ എയറിന്റെ ദുബായ് വിമാനത്തിലാണ് മുഹമ്മദ് സാബിറെത്തിയത്. പരിശോധന കഴിഞ്ഞ് പുറത്തിറങ്ങിയ ഇയാളെ വിവരം ലഭിച്ചതനുസരിച്ച് കാത്തിരുന്ന കരിപ്പൂര് പോലീസ് പിടികൂടുകയായിരുന്നു. ഇവര് ശരീരത്തില് ഒളിപ്പിച്ച നിലയില് 837.1 ഗ്രാം സ്വര്ണസംയുക്തം കണ്ടെടുത്തത്.
സ്പൈസ് ജെറ്റിന്റെ ദുബായ് വിമാനത്തിലാണ് അബ്ദുള്സാദിഖെത്തിയത്. സംശയംതോന്നിയ കസ്റ്റംസ് വിഭാഗം നടത്തിയ ചോദ്യംചെയ്യലില് ശരീരത്തില് ഒളിപ്പിച്ചു കടത്തിയ 839 ഗ്രാം സ്വര്ണം കണ്ടെത്തി. പിടികൂടിയ സ്വര്ണത്തിന് ഏകദേശം 76,68,000 രൂപ വിലവരും.
