കൊല്ലം : പ്രായപൂർത്തിയാകാത്ത പെൺകുട്ടിയെ പീഡിപ്പിച്ച കേസിൽ യുവാവ് പോലീസ് പിടിയിലായി. പുന്നത്തല ചേരിയിൽ സർപ്പക്കുഴിക്ക് സമീപം സൺഡേ കോളനിയിൽ ടി.സി.ആർ.എ -33, വില്ലിമംഗലം വീട്ടിൽ ആർ.രോഹിൻ (വാവ 22) ആണ് പിടിയിലായത്. 17 കാരിയായ പെൺകുട്ടി വീട്ടിൽ അസ്വാഭാവികമായി പെരുമാറിയതിനെ തുടർന്ന് വീട്ടുകാർ വിവരം പോലീസിൽ അറിയിക്കുകയും പോലീസ് കുട്ടിയെ ഷെൽറ്റർ ഹോമിലേക്ക് മാറ്റുകയും ചെയ്തു.
കൗൺസലറുടെ സഹായത്തോടെ നടത്തിയ അന്വേഷണത്തിലും തുടർന്ന് നടത്തിയ വൈദ്യപരിശോധനയിലുമാണ് ലൈംഗികപീഡനത്തിന് ഇരയായതായി കണ്ടെത്തിയത്. തുടർന്ന് പ്രതിയെ തിരുമുല്ലവാരത്തുനിന്ന് പോലീസ് പിടികൂടി. കൊല്ലം വെസ്റ്റ് ഇൻസ്പെക്ടർ ഷെഫീക് ബി., എസ്.ഐ ആശ ഐ.വി, എസ്.സി.പി.ഒ മാരായ ബിനു, മിനി തുടങ്ങിയവരടങ്ങിയ സംഘം പ്രതിയെ റിമാൻഡ് ചെയ്തു.