പന്തളം : അച്ചന്കോവിലാറ് കരകവിഞ്ഞതിനെ തുടര്ന്നു പന്തളം, കുളനട, തുമ്പമണ് മേഖലകളില് നൂറോളം കുടുംബങ്ങളെ ക്യാംപുകളിലേക്ക് മാറ്റിപാര്പ്പിച്ചു. പന്തളം നഗരസഭയില് മാത്രം 65 കുടുംബങ്ങളാണ് ക്യാംപുകളില് കഴിയുന്നത്. ഇന്നലെ മഴ മാറി നിന്നെങ്കിലും അച്ചന്കോവിലാറ്റിലെ ജലനിരപ്പ് ഉയര്ന്നു. ഞായറാഴ്ചത്തെ ജലനിരപ്പ് 11.8 മീറ്ററായിരുന്നെങ്കില് ഇന്നലെ 12.14 ആയി വര്ധിച്ചു.
തോട്ടക്കോണം എന്.എസ്.എസ് ഹാള്, ഗവ.എല്പി സ്കൂള്, പൂഴിക്കാട് ഗവ.യുപി സ്കൂള്, മങ്ങാരം എം.എസ്.എം, ചേരിക്കല് എസ്.വി എല്പി സ്കൂള്, മുടിയൂര്ക്കോണം എം.ടി എല്പി സ്കൂള് തോന്നല്ലൂര് ഗവ.യുപി സ്കൂള്, കടയ്ക്കാട് എസ്.വി എല്പി സ്കൂള്, മുഹമ്മദന്സ് എല്പി സ്കൂള് എന്നിവിടങ്ങളില് ക്യാംപ് തുറന്നു. കുളനട പഞ്ചായത്ത് ഹയര് സെക്കന്ഡറി സ്കൂള്, ഞെട്ടൂര് ആലേക്കുമണ്ണില് അങ്കണവാടി എന്നിവിടങ്ങളിലായി 76 കുടുംബങ്ങളെ മാറ്റി പാര്പ്പിച്ചു. തുമ്പമണ് ഗവ.യുപിഎസ്, മുട്ടം എല്പിഎസ്, മുട്ടം പട്ടികജാതി കോളനിയിലെ പൊതുസ്ഥലം എന്നിവിടങ്ങളിലായി 44 കുടുംബങ്ങള് ക്യാംപില് കഴിയുന്നുണ്ട്.
