കൊല്ലം : കരിക്കോട് ടികെഎം എന്ജിനീയറിങ് കോളജിലെ രണ്ടു വിദ്യാര്ഥികള് വൈദ്യുതാഘാതമേറ്റു മരിച്ചു. നാലാം വര്ഷ വിദ്യാര്ഥികളായ കണ്ണൂര് സ്വദേശി റിസ്വാന് (21), കാസര്കോട് സ്വദേശി അര്ജുന് (21) എന്നിവരാണു മരിച്ചത്. കൂട്ടുകാരുമൊത്തു നെടുമണ് വാക്കനാട് കല്ച്ചിറയിലെ ആറ്റില് കുളിക്കാനെത്തിയതാണ് ഇരുവരും. സമീപത്തെ പൊട്ടിക്കിടന്ന വൈദ്യുതി കമ്പിയില് ഒരാള് കയറിപ്പിടിച്ചു. ഷോക്കേറ്റ സുഹൃത്തിനെ രക്ഷിക്കുന്നതിനായി മറ്റൊരാള് മരക്കൊമ്പുവെച്ച് അടിച്ചെങ്കിലും രക്ഷിക്കാനായില്ല. തുടര്ന്ന് സുഹൃത്തിനെ കയറിപിടിക്കുകയായിരുന്നു. ഇരുവരും സംഭവസ്ഥലത്ത് തന്നെ മരിച്ചു.
