ഭുവനേശ്വര്: ഒഡിഷയില് പോലീസ് കോണ്സ്റ്റബിള് റിക്രൂട്ട്മെന്റിനുള്ള ഫിസിക്കല് ടെസ്റ്റ് നടക്കുന്നതിനിടെ 20കാരന് കുഴഞ്ഞുവീണ് മരിച്ചു. ശ്യാംസുന്ദര്പൂര് സ്വദേശിയായ ദീപ്തി രഞ്ജന് ദാഷ് ആണ് മരിച്ചത്. ഛത്രപൂരിലെ പോലീസ് റിസര്വ് ഗ്രൗണ്ടില് കോണ്സ്റ്റബിള് റിക്രൂട്ട്മെന്റിനുള്ള ഫിസിക്കല് ടെസ്റ്റ് നടക്കുന്നതിനിടെയാണ് 1600 മീറ്റര് ഓട്ടത്തില് ഡാഷ് ബോധരഹിതനായി വീണത്. ഗുഞ്ജാം ജില്ലയിലെ ഛത്രപൂരില് വെള്ളിയാഴ്ചയാണ് സംഭവം.
ബോധരഹിതനായി വീണത ഉടന് ഛത്രപൂരിലെ സബ് ഡിവിഷനല് ആശുപത്രിയിലും പിന്നീട് എംകെസിജി മെഡിക്കല് കോളജിലും പ്രവേശിപ്പിച്ചെങ്കിലും ഡോക്ടര്മാര് മരണം സ്ഥിരീകരിക്കുകയായിരുന്നു. ശാരീരികക്ഷമതാ ടെസ്റ്റില് പങ്കെടുക്കാന് ദാഷ് തികച്ചും യോഗ്യനായിരുന്നു. എന്നാല് എന്താണ് മരണകാരണമെന്ന് ശനിയാഴ്ച നടക്കുന്ന പോസ്റ്റ്മോര്ട്ടത്തിന് ശേഷമേ വ്യക്തമാകൂവെന്നും പോലീസ് ഉദ്യോഗസ്ഥന് പറഞ്ഞു.
