പത്തനംതിട്ട : നിസാമുദീന്-എറണാകുളം, മുംബൈ-തിരുവനന്തപുരം സ്പെഷ്യല് ട്രെയിനുകളിലായി ബുധനാഴ്ച്ച പത്തനംതിട്ട ജില്ലക്കാരായ 27 പേര്കൂടി എത്തി. നിസാമുദീന്-എറണാകുളം സ്പെഷ്യല് ട്രെയില് അഞ്ച് സ്ത്രീകളും എട്ട് പുരുഷന്ന്മാരും ഒരു കുട്ടിയും ഉള്പ്പെടെ ജില്ലക്കാരായ 14 പേരാണെത്തിയത്. ഇവരില് ഒരാളെ കോവിഡ് കെയര് സെന്ററിലും 13 പേരെ വീടുകളിലും നിരീക്ഷണത്തിലാക്കി. മുംബൈ-തിരുവനന്തപുരം സ്പെഷ്യല് ട്രെയിനില് നാല് സ്ത്രീകളും എട്ട് പുരുഷന്മാര് ഒരു കുട്ടിയും അടക്കം പത്തനംതിട്ട ജില്ലക്കാരായ 13 പേരാണെത്തിയത്. ഇവരില് ആറുപേരെ കോവിഡ് കെയര് സെന്ററുകളിലും ഏഴുപേരെ വീടുകളിലും നിരീക്ഷണത്തില് ആക്കി.
ഒന്പത് വിമാനങ്ങളിലായി ബുധനാഴ്ച്ച പത്തനംതിട്ട ജില്ലക്കാരായ 100 പ്രവാസികള്കൂടി എത്തി. ഇവരില് 20 പേരെ കോവിഡ് കെയര് സെന്ററിലും 80 പേരെ വീടുകളിലും നിരീക്ഷണത്തില് പ്രവേശിപ്പിച്ചു.
