തുറവൂര് : ബി.ജെ.പി. പ്രവര്ത്തകനെ വടിവാളുകൊണ്ട് വെട്ടിപ്പരിക്കേല്പ്പിച്ച കേസില് മൂന്നുപേരെ കുത്തിയതോട് പോലീസ് പിടികൂടി. എഴുപുന്ന ഔട്ടാക്കല്വീട്ടില് പ്രവീണ്(27), പുന്നയ്ക്കല്വീട്ടില് ജോമോന്(26), വഴിച്ചിറ വീട്ടില് ജയേഷ്(27) എന്നിവരെയാണു കുത്തിയതോട് സി.ഐ. ജെ. പ്രദീപ്, എസ്.ഐ. ജി. അജിത് എന്നിവരുടെ നേതൃത്വത്തിലുള്ള സംഘം അറസ്റ്റ് ചെയ്തത്.
വല്ലേത്തോട്ടില് വെച്ചാണ് കോടംതുരുത്ത് പഞ്ചായത്ത് 104-ാം നമ്പര് ബൂത്ത് കമ്മിറ്റി അംഗം എഴുപുന്നതെക്ക് പാലക്കാത്തറവീട്ടില് അജേഷ് ചന്ദ്രനു(39) വെട്ടേറ്റത്. ഇടതുകൈയില് വടിവാളുകൊണ്ട് വെട്ടേറ്റ അജേഷിന്റെ നിലവിളികേട്ട് നാട്ടുകാരെത്തിയപ്പോള് ആയുധമുപേക്ഷിച്ച് പ്രതികള് ഓടി രക്ഷപ്പെടുകയായിരുന്നു.
