പേരൂര്ക്കട : വീട്ടില് അതിക്രമിച്ച് കയറി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതി അറസ്റ്റില്. ഊളന്പാറ കെക്കോട് വയലരികത്ത് പുത്തന്വീട്ടില് അഭിഷേക് (ചിന്തു,23) നെയാണ് പേട്ട പോലീസ് അറസ്റ്റ് ചെയ്തത്. തിങ്കളാഴ്ച്ചയാണ് കേസിനാസ്പദമായ സംഭവം. മാതാപിതാക്കള് ഇല്ലാതിരുന്ന സമയം വീട്ടില് അതിക്രമിച്ചു കയറിയ പ്രതി പെണ്കുട്ടിയെ പീഡിപ്പിക്കുകയായിരുന്നു.
മാതാപിതാക്കളുടെ പരാതിയില് ആണ് പോലീസ് കേസെടുത്ത് അന്വേഷണം ആരംഭിച്ചത്. ശംഖുമുഖം അസിസ്റ്റന്റ് കമ്മീഷണര് പൃഥ്വീരാജിന്റെ നേതൃത്വത്തില് പേട്ട എസ്എച്ച്ഒ റിയാസ് രാജ, എസ്ഐ രതീഷ്, എഎസ്ഐ എഡ്വിന്, സിപിഒമാരായ രാജാറാം, ഷമി, വിനോദ്, വിപിന്, രഞ്ജിത് എന്നിവരടങ്ങിയ പോലീസ് സംഘമാണ് പ്രതിയെ അറസ്റ്റ് ചെയ്തത്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു.
