ശ്രീനഗര് : ജമ്മു കശ്മീരില് രണ്ടിടങ്ങളിലായി നടന്ന ഏറ്റുമുട്ടലില് മൂന്ന് ഭീകരരെ സൈന്യം വധിച്ചു. കുല്ഗാമിലാണ് സൈന്യവും ഭീകരരും തമ്മില് ആദ്യം ഏറ്റുമുട്ടല് നടന്നത്. ഏറ്റുമുട്ടലില് രണ്ട് ഭീകരരെ സൈന്യം വധിച്ചു. കൊല്ലപ്പെട്ടവരില് ഒരാള് അതിര്ത്തി കടന്ന് എത്തിയ ഭീകരനാണെന്ന് സുരക്ഷാ സേന അറിയിച്ചു.
ഏറ്റുമുട്ടലിൽ ഒരു പോലീസുകാരന് പരിക്കേറ്റിട്ടുണ്ട്. ഇയാളെ ആശുപത്രിയിലേക്ക് മാറ്റി. കൊല്ലപ്പെട്ട ഭീകരില് നിന്നും നിരവധി ആയുധങ്ങള് സൈന്യം പിടിച്ചെടുത്തു. മേഖലയിൽ തെരച്ചിൽ തുടരുകയാണ്. അനന്തനാഗിലും സൈന്യവും ഭീകരരും തമ്മില് ഏറ്റുമുട്ടി. ഏറ്റുമുട്ടലില് ഒരു ഭീകരനെ വധിച്ചു.
