കൊച്ചി : ബൈക്ക് മോഷ്ടിച്ച് പൊളിച്ചു വില്പ്പന നടത്തുന്ന സംഘം അറസ്റ്റില്. നെല്ലിക്കുഴി ചാത്തനാട്ട് വീട്ടില് റഫീസ് (24), ഇരമല്ലൂര് കൊട്ടാരത്തില് വീട്ടില് ആഷിഖ് (26), ഓടക്കാലി കുറ്റിച്ചിറ വീട്ടില് ഫൈസല് (25) എന്നിവരെയാണ് കോതമംഗലം പോലീസ് അറസ്റ്റ് ചെയ്തത്.
നെല്ലിക്കുഴിയിലെ ഒരു തടിമില്ലില് വെച്ചിരുന്ന ബൈക്ക് ഈ സംഘം മറ്റൊരു ബൈക്കില് കെട്ടിവലിച്ചു കൊണ്ടു പോവുകയും തുടര്ന്ന് വാഹനം പൊളിച്ച് കുറച്ച് ഭാഗം തങ്കളത്തുള്ള ആക്രിക്കടയില് വില്പ്പന നടത്തുകയുമായിരുന്നു. ബാക്കി ഭാഗം പ്രതികളുടെ വീട്ടില് നിന്നും പാറമടയില് നിന്നും പോലിസ് കണ്ടെടുത്തു. കോടതിയില് ഹാജരാക്കിയ പ്രതികളെ റിമാന്റ് ചെയ്തു