വേങ്ങര : രേഖകളില്ലാതെ കടത്തിയ 50,82,000 രൂപയും ഒരു കിലോ സ്വര്ണവും വേങ്ങര പോലീസ് പിടികൂടി. ജില്ല പോലീസ് മേധാവി സുജിത് ദാസിന് ലഭിച്ച രഹസ്യവിവരത്തിെന്റെ അടിസ്ഥാനത്തില് ഞായറാഴ്ച വൈകിട്ട് വേങ്ങര സിനിമഹാള് പരിസരത്തുനിന്നാണ് കാറില് കടത്തിയ പണവും സ്വര്ണവും കണ്ടെടുത്തത്. വേങ്ങര എസ്.എസ് റോഡ് സ്വദേശിയായ കാപ്പില് ഹൗസ് അബ്ദുല് ലത്തീഫ് (48), ചേറൂര് സ്വദേശിയായ കരിമ്പില് ഹൗസ് അബ്ദുല് മുനീര് (35) എന്നിവരാണ് പിടിയിലായത്.
പണം ഊട്ടിയില് സ്വര്ണം കൊടുത്ത് വാങ്ങിയതാണെന്നും സ്വര്ണം മലപ്പുറത്തുനിന്ന് ലഭിച്ചതാണെന്നുമാണ് വിവരം. വേങ്ങര സി.ഐ പി.മുഹമ്മദ് ഹനീഫ, എസ്.ഐ ഉണ്ണികൃഷ്ണന്, എ.എസ്.ഐ അശോകന്, എസ്.സി.പി.ഒ ഹരിദാസന്, സി.പി.ഒ മാരായ ഉമ്മര്, സിറാജ്, അജീഷ് എന്നിവരാണ് പോലീസ് സംഘത്തില് ഉണ്ടായിരുന്നത്.
