പന്തളം: കേരളത്തിലെ തന്നെ ഏറ്റവും വലിയ സരസ്വതി ദേവീ വിഗ്രഹ പ്രതിഷ്ഠ ഉള്ള പന്തളം നവരാത്രി മണ്ഡപത്തിലെ 57-മാത് നവരാത്രി ആഘോഷത്തിന് തുടക്കമായി. ഇന്നലെ രാവിലെ 9 മണിക്ക് പന്തളം പാട്ടുപുരക്കാവ് ഭഗവതി ക്ഷേത്രത്തിൽ നിന്നും നൂറു കണക്കിന് ഭക്തജനങ്ങളുടെയും പഞ്ചാവാദ്യം, താലപ്പൊലി എന്നിവയുടെ അകമ്പടിയോട് കൂടി പന്തളം സരസ്വതി ക്ഷേത്രത്തിലേക്ക് വിളംബര ഘോഷയാത്ര നടന്നു.
നവരാത്രി മണ്ഡപത്തിന്റെ ഉദ്ഘാടനം എൻ എസ് എസ് പ്രസിഡന്റ് ഡോ. എം. ശശികുമാർ നിർവ്വഹിച്ചു. പന്തളം എൻ. എസ്. എസ് താലൂക്ക് യൂണിയൻ പ്രസിഡന്റും ആഘോഷ കമ്മിറ്റി പ്രസിഡന്റുമായ പന്തളം ശിവൻകുട്ടി അദ്ധ്യക്ഷത വഹിച്ചു. സെക്രട്ടറി ജി ഗോപിനാഥ് പിള്ള, വൈസ് പ്രസിഡന്റ് നന്ദനം രാമകൃഷ്ണപിള്ള, ജോയിന്റ് സെക്രട്ടറി ഐഡിയൽ ശ്രീകുമാർ, ട്രഷറാർ കെ. എസ്. ശ്രീകുമാർ, മറ്റു കമ്മിറ്റി അംഗങ്ങൾ, എൻ. എസ്. എസ് വനിതാസമാജം ഭാരവാഹികൾ തുടങ്ങിയ പ്രമുഖർ അടക്കം നൂറുകണക്കിന് ഭക്തജനങ്ങളും പങ്കെടുത്തു.
