ഏതാനും ആഴ്ച മുമ്പ് വരാനിരിക്കുന്ന ഗാലക്സി എം 51 ന് അനുകൂലമായി സാംസങ് ഗാലക്സി എം 41 നെ അതിന്റെ എം-സീരീസിൽ നിന്ന് പൂർണ്ണമായും ഒഴിവാക്കുമെന്ന് റിപ്പോർട്ടുകൾ ഉണ്ടായിരുന്നു. എന്നിരുന്നാലും ഈ വിവരത്തിന് ഇനി മുതൽ പ്രസക്തി ഉണ്ടായിരിക്കുന്നതല്ല. കാരണം, ഓൺലൈനിൽ പ്രത്യക്ഷപ്പെട്ട ഒരു പുതിയ സർട്ടിഫിക്കേഷൻ വ്യക്തമാക്കുന്നത് സാംസങ് ഗാലക്സി എം 41 എന്ന സ്മാർട്ട് ഫോണിനെക്കുറിച്ചാണ്. സാംസങ് ഗാലക്സി എം 41 3 സി സർട്ടിഫിക്കേഷൻ കഴിഞ്ഞ ആഴ്ച ജൂൺ 28 ന് ഇതിനെക്കുറിച്ചുള്ള കാര്യങ്ങൾ വ്യക്തമാക്കി. ഈ ഫോൺ ഇപ്പോഴും വിപണിയിൽ വരുവാനായി തയ്യാറെടുക്കുന്നതിന്റെ കാര്യം ഈ സർട്ടിഫിക്കേഷനിലൂടെ പ്രസ്താവിക്കുന്നു. വരാനിരിക്കുന്ന എം-സീരീസ് ഫോണിന്റെ ചില സവിശേഷതകളും ഇതോടപ്പം വെളിപ്പെടുത്തുന്നുണ്ട്.
6,800 എംഎഎച്ച് ബാറ്ററിയാണ് ഈ ഫോണിനെ ശക്തിപ്പെടുത്തുന്നത്. അത് സാംസങ്ങിന്റെ എം സീരീസ് ഫോണുകളേക്കാൾ 800mAh വലുതാണ്. 6,800mAh ബാറ്ററി യഥാർത്ഥത്തിൽ വലിയ ടാബ്ലെറ്റുകളിൽ ഉപയോഗിക്കുന്ന ബാറ്ററികളുമായി താരതമ്യപ്പെടുത്താവുന്നതാണ്. ഇത് ഒരു എം-സീരീസ് ഉപകരണമാണെന്ന കാര്യം കണക്കിലെടുക്കുമ്പോൾ സാംസങ് ഗാലക്സി എം 41 ന് ഇന്ത്യയിൽ 15,000 മുതൽ 20,000 രൂപ വരെ വിലയുണ്ട്.
അതിനാൽ ഈ സെഗ്മെന്റിൽ ഇത്രയും വലിയ ബാറ്ററിയുള്ള ഒരേയൊരു ഫോൺ ഇത് മാത്രമായിരിക്കും. സേഫ്റ്റി കൊറിയ വെബ് സൈറ്റിൽ ഈ വലിയ ബാറ്ററിയുടെ ഒരു ചിത്രവും വരുന്നുണ്ട്. ഒഎൽഇഡി പാനലിൽ വരുന്ന ഒരു പ്രശ്നം പരിഹരിക്കാൻ സാംസങ് ഒരു മാർഗം കണ്ടെത്തിയിരിക്കാമെന്ന വസ്തുതയിലേക്ക് റിപ്പോർട്ടുകൾ വിരൽ ചൂണ്ടുന്നു. ഗാലക്സി എം 41ൽ ഒരു തേർഡ് പാർട്ടി കമ്പനി നിർമ്മിച്ച ഒഎൽഇഡി പാനൽ കൊണ്ടുവരുവാൻ പോകുന്നുവെന്ന് സാംസങ് വെളിപ്പെടുത്തി.
കമ്പനി തന്നെ നിർമ്മിച്ച ഒഎൽഇഡി പാനലുകൾ ഉപയോഗിക്കുന്ന മറ്റ് സാംസങ് ഫോണുകൾക്ക് ഇത് വിപരീതമായിരിക്കും. ഈ തേർഡ് പാർട്ടി ടിസിഎല്ലിന്റെ ചൈന സ്റ്റാർ ഒപ്റ്റോ ഇലക്ട്രോണിക്സ് സാങ്കേതികവിദ്യയാണെന്ന് വിശ്വസിക്കപ്പെട്ടു. എന്നിരുന്നാലും പിന്നീടുള്ള വികസനത്തിൽ സാംസങ് ഈ പദ്ധതി റദ്ദാക്കുകയും ഗാലക്സി എം 41 മൊത്തത്തിൽ ഉപേക്ഷിക്കുകയും ചെയ്തു. മറ്റ് വാർത്തകളിൽ പറയുന്നത് വരാനിരിക്കുന്ന സാംസങ് ഗാലക്സി നോട്ട് 20 അൾട്ര ഇപ്പോൾ വെബിൽ ചോർന്നുവെന്നാണ്.
ഈ ചോർച്ച വരാനിരിക്കുന്ന സാംസങ് ഗാലക്സി നോട്ട് 20 അൾട്രയ്ക്ക് അതിന്റെ പൂർണ്ണമായ പ്രതാപത്തിൽ ദൃശ്യമാകുന്നത് കാണിക്കുന്നു. പുതിയ കോപ്പർ നിറം, പിൻ ക്യാമറ സജ്ജീകരണം, രൂപകൽപ്പനയുമായി ബന്ധപ്പെട്ട ചില ഘടകങ്ങൾ എന്നിവ ഇതിൽ ഉൾപ്പെടുന്നു. രാജ്യത്ത് ഒന്നിലധികം സ്മാർട്ട്ഫോൺ ലോഞ്ചുകൾ വൈകുന്നതിന് കൊറോണ വൈറസ് വ്യാപനം കാരണമായി. ഇപ്പോൾ സ്മാർട്ട്ഫോൺ ഡെലിവറികൾ പതിവിലും കൂടുതൽ സമയമെടുക്കുന്നു.
സാംസങ് ഗാലക്സി എം 41: സവിശേഷതകൾ
ആൻഡ്രോയിഡ് വി 9.0 (പൈ) ഓപ്പറേറ്റിംഗ് സിസ്റ്റത്തിലാണ് സാംസങ് ഗാലക്സി എം 41 സ്മാർട്ട്ഫോൺ പ്രവർത്തിക്കുന്നത്. 2.3 ജിഗാഹെർട്സ്, ക്വാഡ് കോർ, കോർടെക്സ് എ 73 + 1.7 ജിഗാഹെർട്സ്, ക്വാഡ് കോർ, കോർടെക്സ് എ 53 പ്രോസസർ എന്നിവയാണ് ഈ ഫോണിന്റെ മികച്ച പ്രവർത്തനക്ഷമതയേകുന്നത്. ഇത് സാംസങ് എക്സിനോസ് 9 ഒക്ടോ 9609 ചിപ്സെറ്റിൽ പ്രവർത്തിക്കുന്നു. സാംസങ് ഗാലക്സി എം 41 സ്മാർട്ട്ഫോണിന് ഒഎൽഇഡി ഡിസ്പ്ലേയുണ്ട്.
സ്ക്രീനിന് 1080 x 2340 പിക്സൽ റെസല്യൂഷനും 409 പിപിഐ പിക്സൽ ഡെൻസിറ്റി ഉണ്ട്. ക്യാമറ മുൻവശത്ത്, വാങ്ങുന്നവർക്ക് 24 എംപി പ്രൈമറി ക്യാമറ ലഭിക്കും, പിന്നിൽ ഡിജിറ്റൽ സൂം, ഓട്ടോ ഫ്ലാഷ്, ഫെയ്സ് ഡിറ്റക്ഷൻ, ഫോക്കസ് ചെയ്യാൻ ടച്ച് തുടങ്ങിയ സവിശേഷതകളുള്ള 64 എംപി + 12 എംപി + 5 എംപി ക്യാമറയുണ്ട്. സ്മാർട്ട്ഫോണിലെ കണക്റ്റിവിറ്റി സവിശേഷതകളിൽ വൈ-ഫൈ, ബ്ലൂടൂത്ത്, ജിപിഎസ്, വോൾട്ട് എന്നിവയും ഉൾപ്പെടുന്നു.
ഇന്ത്യയിൽ സാംസങ് ഗാലക്സി എം 41 സ്മാർട്ട് ഫോൺ വില 22,990 രൂപയായിരിക്കും. സാംസങ് ഗാലക്സി എം 41 2020 ഓഗസ്റ്റ് 13 ന് രാജ്യത്ത് വിപണിയിലെത്തുമെന്ന് അഭ്യൂഹങ്ങളുണ്ട്. കളർ ഓപ്ഷനുകളെ സംബന്ധിച്ചിടത്തോളം സാംസങ് ഗാലക്സി എം 41 സ്മാർട്ട്ഫോൺ ബ്ലാക്ക് കളർ വേരിയന്റിലായിരിക്കും വരിക.
