മുംബൈ : മഹാരാഷ്ട്രയിലെ പൂനെയിലെ യേര്വാദയില് നിര്മ്മാണത്തിലിരുന്ന കെട്ടിടം തകര്ന്നുവീണ് ആറ് പേര് മരിച്ചു. മരിച്ചവരെല്ലാം ബിഹാറില് നിന്നുള്ള തൊഴിലാളികളാണ്. അഞ്ച് പേര് സംഭവ സ്ഥലത്തും ഒരാള് ആശുപത്രിയിലുമാണ് മരിച്ചത്. നിരവധി പേര്ക്ക് ഗുരുതര പരുക്കേറ്റു. വ്യാഴാഴ്ച രാത്രിയാണ് അപകടമുണ്ടായത്. മാളിനുവേണ്ടി കെട്ടിപ്പൊക്കിയ ഭീമന് സ്റ്റീല് പൊട്ടിവീണതാണ് അപകടത്തിന് കാരണം. അപകടം നടന്നയുടന് സ്ഥലത്തെത്തിയ രക്ഷാപ്രവര്ത്തകര് സ്റ്റീല് ബാറുകള് മുറിച്ചു മാറ്റിയാണ് തൊഴിലാളികളെ പുറത്തെടുത്തത്.
