കിഴക്കമ്പലം: വോട്ട് ചെയ്ത് വന്ന വൃദ്ധമാതാവിനെ മദ്യലഹരിയിലായിരുന്ന മകന് തലക്ക് വെട്ടിപ്പരിക്കേല്പിച്ച സംഭവത്തില് പോലീസ് കേസെടുത്തു. അമ്മയുടെ മൊഴിപ്രകാരമാണ് കേസെടുത്തതെന്നും പ്രതിയെ ഉടന് അറസ്റ്റ് ചെയ്യുമെന്നും പോലീസ് പറഞ്ഞു. കിഴക്കമ്പലം മണ്ണാറപ്രായി മേരിയെയാണ് (70) മകന് ബേസില് (45) തലക്ക് വെട്ടിപ്പരിക്കേല്പ്പിച്ചത്.
വ്യാഴാഴ്ച വൈകിട്ട് ഏഴിന് 13ാം വാര്ഡിലെ കള്ളുഷാപ്പ് റോഡിലാണ് സംഭവം. മേരിയുടെ വീടിന് സമീപത്ത് ഷട്ടില് കളിച്ചുകൊണ്ടിരുന്നവരാണ് ഇവിടെനിന്ന് ആദ്യം കരച്ചില് കേട്ടത്. തുടര്ന്ന് പരിക്കേറ്റ മേരിയെ അയല്വാസികളാണ് പഴങ്ങനാട്ടെ സ്വകാര്യ ആശുപത്രിയില് പ്രവേശിപ്പിച്ചത്. രാവിലെ മുതല് മദ്യലഹരിയിലായിരുന്ന മകന് മയങ്ങുന്നതിനിടെ മാതാവ് വോട്ട് രേഖപ്പെടുത്താന് ബൂത്തിലേക്ക് പോയതാണ് ആക്രമണത്തിന് കാരണമെന്നാണ് പോലീസ് നിഗമനം.