ഇടുക്കി: ജില്ലയിലെ ചെറുകിട തേയില കര്ഷകര് പ്രതിസന്ധിയില്. ഏതാനും മാസം മുമ്പ് വരെ ഒരു കിലോ പച്ചകൊളുന്തിന് കിലോക്ക് 32 രൂപ വരെ ലഭിച്ചിരുന്നത് ഇപ്പോള് 15 രൂപയായാണ് കുറഞ്ഞത്. വേനല്മഴ ആരംഭിച്ചതോടെ ഉല്പാദനം ഇരട്ടിയായി. എന്നാല് വിലയിടിഞ്ഞതും സ്വന്തമായി തോട്ടമില്ലാത്ത ഫാക്ടറികള് പച്ചക്കൊളുന്ത് വാങ്ങാന് മടിക്കുന്നതുമാണ് കര്ഷകര്ക്ക് തിരിച്ചടിയായത്.
തേയില കയറ്റുമതി കുറയുകയും ആഭ്യന്തര വിപണിയില് മാന്ദ്യം സംഭവിക്കുകയും ചെയ്തതിനെത്തുടര്ന്ന് തേയില വില്പപ്പന ഗണ്യമായി കുറഞ്ഞതിനാല് ഫാക്ടറികളില് തേയില കെട്ടിക്കിടക്കുന്ന അവസ്ഥയാണ്. ചിലവിന് ആനുപാതികമായി വരുമാനം ലഭിക്കാത്തതും ഈ മേഖലയെ പ്രതിസന്ധിയിലാക്കിയിരിക്കുകയാണ്.