കാട്ടാക്കട : കോട്ടൂര്‍ മുണ്ടണി കോളനിയില്‍ താമസക്കാരായ പ്രകാശനെയും അമ്മയെയും വീടുകയറി ആക്രമിച്ച് പരിക്കേല്‍പ്പിച്ച രണ്ടുപേരെ പോലീസ് അറസ്റ്റ് ചെയ്തു. ഇക്കഴിഞ്ഞ 21നാണ് സംഭവം. കോട്ടൂര്‍ മുണ്ടണിനട എം.എന്‍ നഗര്‍ കോളനിയില്‍ പ്രദീപ് (32), ഭരതന്നൂര്‍ കൊച്ചുവയല്‍ അംബേദ്ക്കര്‍ കോളനിയില്‍ ബ്ലോക്ക് നമ്പര്‍ 44ല്‍ മുകേഷ് ലാല്‍ (27) എന്നിവരാണ് അറസ്റ്റിലായത്.
നിരവധി കേസിലെ പ്രതികളാണിവര്‍. അയല്‍വാസികള്‍ തമ്മിലുള്ള തര്‍ക്കമാണ് ആക്രമണത്തില്‍ കലാശിച്ചത്. സംഭവത്തിനുശേഷം ഒളിവിലായിരുന്ന പ്രതികളെ കാട്ടാക്കട ഡിവൈ.എസ്.പി പ്രശാന്ത്, നെയ്യാര്‍ ഡാം സി.ഐ ബിജോയ്, എസ്.ഐ പ്രമോദ്, എ.എസ്.ഐ ഷാജിത് എന്നിവരുടെ നേതൃത്വത്തിലുള്ള സംഘം പിടികൂടുകയായിരുന്നു. പ്രതികളെ റിമാന്‍ഡ് ചെയ്തു.
