സിനിമ ടെലിവിഷന്‍ താരം സാബുമോന്‍ അബ്ദുസമദിന്റെ മാതാവ് മരിച്ചു

തിരുവല്ല : സിനിമ ടെലിവിഷന്‍ താരം സാബുമോന്‍ അബ്ദുസമദിന്റെ മാതാവ് ഫതീല ബീവി മരിച്ചു. 72 വയസായിരുന്നു. വാര്‍ധക്യ സഹജമായ അസുഖങ്ങളെ തുടര്‍ന്ന് തിരുവല്ലയിലെ സ്വകാര്യ ആശുപത്രിയില്‍ ചികിത്സയിലിരിക്കെയാണ് അന്ത്യം. കായംകുളം കയ്യാലക്കല്‍ ഹൗസില്‍ (പട്ടന്റെ പറമ്പില്‍) അബ്ദുസമദിന്റെ ഭാര്യയാണ്. ലിജിമോള്‍, ബാബുമോന്‍ എന്നിവരാണ് മറ്റു മക്കള്‍. സംസ്കാരം ഇന്ന് ഉച്ചയ്ക്ക് രണ്ടുമണിക്ക് കായംകുളം ശഹീദാര്‍ പള്ളിയില്‍.