കോന്നി: കോന്നി പൂവൻപാറയിൽ ഭിന്നശേഷിക്കാരിയായ പതിനേഴുകാരിയെ വയലിൽ മരിച്ച നിലയിൽ കണ്ടെത്തി. കോന്നി പൂവൻപാറ കോട്ടമുരുപ്പേൽ അജ്മിന യെ ആണ് പൂവൻപാറ പി. എം. ജി പള്ളിക്ക് സമീപം വയലിൽ മരിച്ച നിലയിൽ കണ്ടെത്തിയത്. പത്താം ക്ലാസ് വിദ്യാർത്ഥിനിയായ അജ്മിന അപ്പൂപ്പന്റെയും അമ്മൂമ്മയുടെയും കൂടെ ആയിരുന്നു താമസം. അവധി ദിവസത്തിൽ അജ്മിന പശുവിനെ തീറ്റാൻ പോകുന്ന പതിവ് ഉണ്ടായിരുന്നു.
ശനിയാഴ്ച രാവിലെ അപ്പൂപ്പനും അമ്മൂമ്മയും ആശുപത്രിയിൽ പോയി ഉച്ചയോടെ തിരികെ എത്തിയപ്പോൾ അജ്മിനയെ വീട്ടിൽ കാണാത്തതിനെ തുടർന്ന് ഇവർ കോന്നി പോലീസിൽ പരാതിപ്പെടുകയായിരുന്നു. തുടർന്ന് നാട്ടുകാരും പോലീസും ചേർന്ന് നടത്തിയ തിരച്ചിലിന് ഒടുവിലാണ് മൃതദേഹം കണ്ടെത്തിയത്. മൃതദേഹം പോസ്റ്റ് മോർട്ടത്തിന് ശേഷം ബന്ധുക്കൾക്ക് വിട്ടുനൽകും.
