അടൂര്: ഏനാത്ത് കാറുകള് കൂട്ടിയിടിച്ച് അപകടം. കാറില് ഉണ്ടായിരുന്ന ആറ്റിങ്ങല് സ്വദേശി രാജശേഖര ഭട്ടതിരി, ഭാര്യ ശോഭന എന്നിവര് മരിച്ചു. തിരുവനന്തപുരത്തുനിന്ന് കണ്ണൂരിലേക്ക്പോകുകയായിരുന്ന കാറും എതിര്ദിശയില്നിന്നു വന്ന കാറുമാണ് കൂട്ടിയിടിച്ചത്. 6.30-ഓടെയാണ് അപകടം ഉണ്ടായത്.
രാജശേഖര ഭട്ടതിരിയുടെ മകന് നിഖില്രാജിന് ഗുരുതരമായി പരിക്കേറ്റിട്ടുണ്ട്. ഇദ്ദേഹത്തെ കോട്ടയം മെഡിക്കല് കോളേജിലേക്ക് കൊണ്ടുപോയി. അപകടത്തില് ഇരുവാഹനങ്ങളുടെയും മുന്വശം പൂര്ണമായും തകര്ന്നു. എതിര്ദിശയില് വന്ന കാറില് ഉണ്ടായിരുന്ന നാല് യാത്രക്കാര്ക്കു പരിക്കേറ്റിട്ടുണ്ട്. ഇവരുടെ പരിക്കുകള് ഗുരുതരമല്ല.
