തൃശൂര് : തൃശൂർ പാലപ്പിള്ളിയിൽ നായയുടെ കടിയേറ്റ പശു പേവിഷബാധയേറ്റ് ചത്തു. എച്ചിപ്പാറ സ്വദേശി അബ്ദുള്ളയുടെ പശുവാണ് ചത്തത്. ഇന്നലെ മുതല് പശു പേവിഷബാധയുടെ ലക്ഷണങ്ങള് കാണിച്ചു തുടങ്ങിയിരുന്നു. അടുത്തിടെയായി ഇത്തരം സംഭവങ്ങള് ഉണ്ടാകുന്നതായി നാട്ടുകാര് പറഞ്ഞു. മൂവാറ്റുപുഴയിലും ആയവനയിലും കഴിഞ്ഞാഴ്ച തന്നെ സമാന സംഭവം നടന്നിരുന്നു. തെരുവ് നായയുടെ കടിയേറ്റ പശുവിന് പേയിളകുകായിരുന്നു.
ആയാവന കാലാമ്പൂര് ചെറങ്ങരകുടിയില് കരീമിന്റെ പശുവിനെയാണ് തെരുവുനായ ആക്രമിച്ചത്. ഇതിനു ശേഷം നിരീക്ഷണത്തിലായിരുന്നു പശു. ഇതിന് പുറമെയാണ് ഇന്നു രാവിലെ പശുവിന് പേയിളകുകയും കയറുപൊട്ടിച്ച് ഓടി നാട്ടുകാരെ ആക്രമിക്കുകയും ചെയ്തത്. നാട്ടുകാര് വിവരമറിയിച്ചതിനെത്തുടര്ന്ന് പോത്താനിക്കാട് പോലീസെത്തെി പശുവിനെ വെടിവച്ചു കൊല്ലുകയായിരുന്നു.
