റാന്നി : റാന്നി ഉതിമൂട്ടില് കുട്ടികളുമായി പോയ സ്കൂള് ബസും മുട്ട കയറ്റി വന്ന പിക് അപ് വാനും കൂട്ടിയിടിച്ചു. രാവിലെ എട്ട് മണിയോടെ ഉതിമൂട് വാളിപ്ലാക്കല് പടിയിലായിരുന്നു അപകടം നടന്നത്. അപകടത്തില് പിക് അപ് വാന് ഡ്രൈവര്ക്ക് നിസാര പരിക്കേറ്റു. പിക് അപ് ഡ്രൈവര് ലിബിന് (50) ആണ് പരിക്കേറ്റത്. സ്കൂള് ബസില് കുട്ടികള് ഉണ്ടായിരുന്നുവെങ്കിലും ആര്ക്കും പരിക്കില്ല. തമിഴ്നാട്ടില് നിന്നും മുട്ടയുമായി വന്ന പിക് അപ് വാന് ബസിന്റെ പിന്നിലേക്ക് ഇടിച്ച് കയറുകയായിരുന്നു. ഡ്രൈവര് ഉറങ്ങി പോയതാണ് അപകടകാരണമെന്നാണ് പ്രാഥമിക നിഗമനം. റാന്നി ഫയര് ഫോഴ്സും പോലീസും സ്ഥലത്തെത്തി നടപടികള് സ്വീകരിച്ചു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
