ചെന്നൈ: തൂത്തുക്കുടിയില് പ്ലസ്ടു വിദ്യാര്ഥിനിയെ സ്കൂളിലെ ശൗചാലയത്തില് മരിച്ചനിലയില് കണ്ടെത്തി. പ്ലസ്ടു വിദ്യാര്ഥിനിയായ വൈദ്യേശ്വരിയെയാണ് സ്കൂളിലെ ശൗചാലയത്തില് തൂങ്ങിമരിച്ച നിലയില് കണ്ടത്. വീട്ടിലെ പ്രശ്നങ്ങളാണ് വിദ്യാര്ഥിനി ജീവനൊടുക്കാന് കാരണമെന്നാണ് പോലീസിന്റെ പ്രാഥമിക വിവരം. മൃതദേഹം കോവില്പ്പെട്ടിയിലെ ആശുപത്രിയിലേക്ക് മാറ്റിയതായി പോലീസ് പറഞ്ഞു.വിദ്യാര്ഥിനിയുടെ മരണത്തില് ദുരൂഹതയുണ്ടെന്നാരോപിച്ച് ബന്ധുക്കളും നാട്ടുകാരും കോവില്പ്പെട്ടിയില് റോഡ് ഉപരോധിച്ചു. സംഭവത്തില് വിശദമായ അന്വേഷണം നടത്തുമെന്ന് പോലീസ് അറിയിച്ചു.
