കാക്കയങ്ങാട്: കണ്ണൂരില് അധ്യാപികയെ പൊളളലേറ്റു മരിച്ച നിലയില് കണ്ടെത്തി. മുഴക്കുന്ന് പോലിസ് സ്റ്റേഷന് പരിധിയിലെ തില്ലങ്കേരിയില് പ്രീ പ്രൈമറി അധ്യാപികയെയാണ് തീപ്പൊള്ളലേറ്റ് മരിച്ച നിലയില് കണ്ടെത്തിയത്. പടിക്കച്ചാലില് താവോരത്ത് ഹൗസില്, പി.കെ.പ്രസാദിന്റെ ഭാര്യ കെ. ഡി.ബിനിത (36)യാണ് തീപ്പൊള്ളലേറ്റ് മരിച്ചത്. ശനിയാഴ്ച്ച പുലര്ച്ചെ ഒരുമണിയോടെയായിരുന്നു സംഭവം.
വീടിനു പുറത്ത് വെച്ച് ദേഹമാസകലം തീപ്പൊള്ളലേറ്റ ബിനിതയുടെ നിലവിളി കേട്ട് ഓടിക്കൂടിയ നാട്ടുകാരും ബന്ധുക്കളും ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. പരിയാരം കണ്ണൂര് ഗവ.മെഡി.കോളജില് മോര്ച്ചറിയിലേക്ക് മാറ്റിയ മൃതദേഹം പോസ്റ്റ്മോര്ട്ടം നടപടികള്ക്കു ശേഷം നാട്ടിലെത്തിക്കും. ഗള്ഫിലായിരുന്ന ബിനിതയുടെ ഭര്ത്താവ് പി.കെ. പ്രസാദ് രണ്ട് ദിവസം മുന്പാണ് നാട്ടിലെത്തിയത്. മക്കള്: അമല് പ്രസാദ് , അമയ പ്രസാദ്.