പെരുനാട്: തെരുവ് നായയുടെ കടിയേറ്റ് മരണം അടഞ്ഞ അഭിരാമിയുടെ വീട് സന്ദർശിച്ച് പ്രതിപക്ഷനേതാവ് വിഡി സതീശൻ, ആന്റോ ആന്റണി എംപി, രാഹുൽ മാങ്കൂട്ടത്തിൽ എന്നിവർ മടങ്ങിയതിനു തൊട്ട് പിന്നാലെ പെരുനാട് ഗവണ്മെന്റ് ആശുപത്രിയുടെ പടിയ്ക്കൽ കോൺഗ്രസ്, യൂത്ത് കോൺഗ്രസ് പ്രവർത്തകർ പ്രതിഷേധ ധർണ്ണ നടത്തി. ധർണ്ണ യൂത്ത് കോൺഗ്രസ് സംസ്ഥാന ജനറൽ സെക്രട്ടറി ശ്രീ രാഹുൽ മാങ്കുട്ടത്തിൽ ഉദ്ഘാടനം ചെയ്തു. തെരുവ്നായ പെരുകുന്നത് തടയുന്നതിനു നടപടി സ്വീകരിക്കാത്ത പഞ്ചായത്ത് നടപടിയെ യോഗത്തിൽ വിമർശിച്ചു. കുട്ടിയുടെ മാതാപിതാക്കൾക്ക് അടിയന്തര നഷ്ടപരിഹാരം നൽകണമെന്ന് യോഗത്തിൽ ആവിശ്യപെട്ടു. ശ്രീ. ഷിബു തോണികടവിൽ അധ്യക്ഷത വഹിച്ചു. ശ്രീ അരവിന്ദ് വെട്ടിയ്ക്കൽ ടി എസ് സജി, ശ്രീ പ്രമോദ്, മമ്പാറ ശ്രീ ജെറിൻ, പ്ലാച്ചേരിൽ ശ്രീ ജെയ്സൺ പെരുനാട് എന്നിവർ പ്രസംഗിച്ചു.
