ഓട്ടോറിക്ഷ നടുറോഡില്‍ മറിഞ്ഞു രണ്ടു പേര്‍ക്ക് പരിക്ക്

റാന്നി : മന്ദമരുതിക്കു സമീപം ഓട്ടോറിക്ഷ നടുറോഡില്‍ മറിഞ്ഞു രണ്ടു പേര്‍ക്ക് പരിക്ക്. വലിയകാവ് സ്വദേശി തച്ചനാലില്‍ സാജന്‍, ഭാര്യ അമ്പിളി എന്നിവരാണ് അപകടത്തില്‍ പെട്ടത്. പുനലൂര്‍-മൂവാറ്റുപുഴ സംസ്ഥാന പാതയിലെ മന്ദമരുതി ജംങ്ഷനും പള്ളി ജംങ്ഷനുമിടയിലെ വണ്ടൂര്‍ പടിയില്‍ ഇന്ന് ഉച്ചകഴിഞ്ഞ് രണ്ടരയോടാണ് സംഭവം. ഓട്ടോറിക്ഷയെ ഓവര്‍ടേക്ക് ചെയ്തു വന്ന ടോറസ് ലോറി തട്ടിയാണ് അപകടം ഉണ്ടായത്. ഓടികൂടിയ നാട്ടുകാര്‍ പരിക്കേറ്റ ഇരുവരേയും റാന്നി താലൂക്ക് ആശുപത്രിയിലെത്തിച്ചു.