അമ്പലപ്പുഴ : നിര്ത്തിയിട്ടിരുന്ന സ്വകാര്യ ബസില് കാറിടിച്ച് നാലുപേര്ക്ക് പരുക്ക്. തുറവൂര് പറയകാട് പാണ്ഡ്യയംപറമ്പില് മേരി (76), മകന് ജോജി (46), മരുമകള് മേരി മാര്ഗരറ്റ് (42), ലൈജ (50) എന്നിവര്ക്കാണ് പരുക്കേറ്റത്. ദേശീയ പാതയില് കുറവന്തോട് ജങ്ഷനിലായിരുന്നു അപകടം. ആലപ്പുഴയിലേക്ക് പോയ സ്വകാര്യ ബസ് ജങ്ഷനില് നിര്ത്തിയിട്ട് യാത്രക്കാരെ കയറ്റുന്നതിനിടെ തെക്കുഭാഗത്തേക്ക് പോയ കാര് നിയന്ത്രണം വിട്ട് ഇടിക്കുകയായിരുന്നു. ആലപ്പുഴ മെഡിക്കല് കോളജാശുപത്രിയിലേക്ക് വന്നതായിരുന്നു കാര് യാത്രക്കാര്. അപകടത്തില് കാറിന്റെ മുന് ഭാഗം തകര്ന്നു. പരുക്കേറ്റവര് മെഡിക്കല് കോളജാശുപത്രിയില് ചികിത്സയിലാണ്.
