കോഴിക്കോട് : ബാലുശ്ശേരി എം എല് എ. കെ എം സച്ചിന് ദേവിന്റെ കാര് തട്ടി സ്കൂട്ടര് യാത്രക്കാരായ പിതാവിനും മകള്ക്കും പരിക്കേറ്റു. താനൂര് മൂസാന്റെ പുരക്കല് ആബിത്ത് (42), മകള് ഫമിത ഫര്ഹ (11) എന്നിവര്ക്കാണ് പരിക്കേറ്റത്. ഇവരെ കോഴിക്കോട് മെഡിക്കല് കോളജ് ആശുപ്രതിയില് പ്രവേശിപ്പിച്ചു. ഇന്നു രാവിലെ മലാപ്പറമ്പ് ബൈപാസിലായിരുന്നു അപകടം. പറമ്പില് കടവ് മഖാമില് സിയാറത്തിനായി പോകുകയായിരുന്നു പിതാവും മകളും.
ഇടിയുടെ ആഘാതത്തില് തെറിച്ചു വീണ ഇരുവരും സ്കൂട്ടറിനു അടിയിലായിപ്പോയി. ആബിത്തിനു ഇടതു കൈക്കും മകള്ക്ക് ഇടതു കാലിനുമാണ് പരിക്ക്. പരിക്കേറ്റ പിതാവിനെയും മകളെയും സച്ചിന് ദേവ് എംഎല്എ ആശുപത്രിയിലെത്തി സന്ദര്ശിച്ചു.