മല്ലപ്പള്ളി: കോട്ടാങ്ങലിൽ ഉണ്ടായ വാഹന അപകടത്തിൽ ബൈക്ക് യാത്രക്കാരന് ദാരുണാന്ത്യം. ചുങ്കപ്പാറ കല്ലു കൊമ്പിൽ ഉമ്മർ (ഉമ്മർ കുട്ടി 73) ആണ് മരിച്ചത്. കോട്ടാങ്ങൽ -പാടി മൺറോഡിൽ പുത്തൂർ പടിയിൽ വ്യാഴാഴ്ച രാവിലെ 11 ന് ആണ് അപകടം നടന്നത്. റെഡിമിക്സ് വാഹനം ബൈക്കിനെ ഓവർ ടേക്ക് ചെയ്യാൻ ശ്രമിക്കവെ ബൈക്കിൽ തട്ടിയാണ് അപകടമുണ്ടായത്. ഇടിയുടെ അഘാതത്തിൽ റെഡിമിക്സ് വാഹനത്തിന്റെ അടിയിൽപ്പെട്ട ഉമ്മറിന്റെ തലയിലൂടെ വാഹനത്തിന്റെ പിൻ ചക്രങ്ങൾ കയറിയിറങ്ങുകയായിരുന്നു.
ഉടൽ വേർപെട്ട് റോഡിൽ കിടന്ന മൃതദേഹം പെരുമ്പെട്ടിയിൽ നിന്ന് പോലീസെത്തിയാണ് മാറ്റിയത്. ഇൻക്വസ്റ്റ് തയ്യാറാക്കി കോട്ടയം മെഡിക്കൽ കോളേജിൽ പോസ്റ്റുമോർട്ടത്തിനു ശേഷം ചുങ്കപ്പാറ മുഹിയുദ്ദീൻ മുസ്ലിം ജമാഅത്തിൽ സംസ്കാരം നടത്തി. ഭാര്യ പെരുമ്പെട്ടി ആനക്കുഴിയിൽ കുടുംബാംഗം സുബൈദ ബീവി, മക്കൾ റെസിയ, ഹസിന, ഉക്കാഷ്. മരുമക്കൾ നൗഷാദ്, ഇല്യാസ്, സബിന.
