കടുത്തുരുത്തി : കടുത്തുരുത്തി പാലാകരയില് സ്കൂട്ടറും കാറും കൂട്ടിയിടിച്ച് രണ്ട് യുവാക്കള്ക്ക് ദാരുണാന്ത്യം. ബൈക്ക് യാത്രക്കാരായ രണ്ട് യുവാക്കളാണ് ദാരുണമായി കൊല്ലപ്പെട്ടത്. ഇരുവരുടെയും മൃതദേഹം മുട്ടുചിറ ഹോളിക്രോസ് ആശുപത്രിയില്. തിങ്കളാഴ്ച രാവിലെ 10 മണിയോടെ കടുത്തുരുത്തി പാലകരയില് ആയിരുന്നു അപകടം. യുവാക്കള് സഞ്ചരിച്ച സ്കൂട്ടര് പാലകരയില് വച്ച് കാറുമായി കൂട്ടിയിടിക്കുകയായിരുന്നുവെന്ന് പോലീസ് പറഞ്ഞു.
മുട്ടുചിറ ഐഎച്ച്ആര്ഡിലെ അധ്യാപകനും മറ്റൊരാളും സഞ്ചരിച്ച സ്കൂട്ടറാണ് അപകടത്തില്പ്പെട്ടതെന്നാണ് പോലീസിന് ലഭിക്കുന്ന സൂചന. കോട്ടയം ഭാഗത്തേക്ക് വന്ന കാര് എതിര് ദിശയില് നിന്ന് വന്ന സ്കൂട്ടറുമായി കൂട്ടിയിടിക്കുകയായിരുന്നു എന്നാണ് വിവരം. കടുത്തുരുത്തി പോലീസ് സംഭവസ്ഥലത്തെത്തി മേല്നടപടികള് സ്വീകരിച്ചു.
