പത്തനംതിട്ട : ലോട്ടറി തൊഴിലാളികളുടെ ആശങ്കകൾ അകറ്റാൻ സർക്കാർ അടിയന്തര ഇടപെടൽ നടത്തണമെന്ന് ദേശീയ അസംഘടിത തൊഴിലാളി കോൺഗ്രസ് സംസ്ഥാന സെക്രട്ടറി നഹാസ് പത്തനംതിട്ട ആവശ്യപ്പെട്ടു. ലോട്ടറി തൊഴിലാളികൾ രണ്ടാഴ്ചത്തേക്ക് വിൽക്കുന്നതിന് ആവശ്യമായ ടിക്കറ്റുകളാണ് ഒന്നിച്ചാണ് എടുക്കുന്നത്.
ടിക്കറ്റുകൾ വാങ്ങി ദിവസങ്ങൾ കഴിയുമ്പോൾ തങ്ങളുടെ പ്രദേശം കണ്ടെയ്മെൻ്റ് സോണുകളായി പ്രഖ്യാപിക്കുന്ന സാഹചര്യമാണ് നിലവിലുള്ളത്. വീടുകളിലെ സാഹചര്യങ്ങൾ ഓർത്ത് പുറത്തിറങ്ങി ടിക്കറ്റ് വിൽക്കാൻ ശ്രമിച്ചാൽ പോലീസിൻ്റെ വക പെറ്റിയും ഉണ്ടാകും. ഇതിലൂടെ ടിക്കറ്റുകൾ വിൽക്കാൻ കഴിയാതെ വൻ നഷ്ടമാണ് തൊഴിലാളികൾക്കുണ്ടാവുന്നത്.
ലോട്ടറി തൊഴിലാളികളുടെ പ്രശ്നങ്ങൾ ഗൗരവമായി കണക്കിലെടുക്കണമെന്നും ഇക്കാര്യം സർക്കാരിൻ്റെ ശ്രദ്ധയിൽപ്പെടുത്താൻ ആവശ്യമായ നടപടികൾ സ്വീകരിക്കുമെന്നും നഹാസ് പത്തനംതിട്ട പറഞ്ഞു.
