കൊച്ചി : ഓൺലൈൻ മാധ്യമപ്രവർത്തകയോട് അസഭ്യം പറഞ്ഞെന്ന കേസിൽ നടൻ ശ്രീനാഥ് ഭാസിയുടെ അറസ്റ്റ് രേഖപ്പെടുത്തി. മരട് പോലീസാണ് അറസ്റ്റ് രേഖപ്പെടുത്തിയത്. നടനോട് ഇന്ന് മരട് പോലീസ് സ്റ്റേഷനില് ഹാജരാകാന് പോലീസ് നോട്ടീസ് നല്കിയിരുന്നു. ഇന്ന് എത്താന് സാധിക്കില്ലെന്ന് അറിയിച്ചെങ്കിലും ഉച്ച തിരഞ്ഞ് മരട് പോലീസ് സ്റ്റേഷനില് ശ്രീനാഥ് എത്തി.
സ്ത്രീത്വത്തെ അപമാനിച്ചതടക്കം കുറ്റങ്ങള് ശ്രീനാഥ് ചെയ്തെന്ന് വ്യക്തമായതോടെയാണ് അറസ്റ്റ് രേഖപ്പെടുത്തിയത്. മൂന്നു വകുപ്പുകള് ചേര്ത്താണ് അറസ്റ്റ്. ഐപിഎസി 509, 354 (എ), 294 (ബി) എന്നീ വകുപ്പുകളാണ് ചുമത്തിയിരിക്കുന്നത്. ശ്രീനാഥ് ഭാസിയുടെ ചട്ടമ്പി എന്ന സിനിമയുടെ പ്രമോഷന്റെ ഭാഗമായി നടത്തിയ അഭിമുഖത്തിനിടെയാണ് മാധ്യമപ്രവര്ത്തകയോട് താരം അപമര്യാദയായി പെരുമാറിയതെന്നാണ് പരാതി. ഈ പരാതിയുടെ അടിസ്ഥാനത്തിലാണ് നടനെ അറസ്റ്റ് ചെയ്തത്.
